Deuteronomio 7:15-17

Magandang Balita Biblia (with Deuterocanon)

¹⁵ Ilalayo niya kayo sa mga karamdaman. Alinman sa mga sakit na ipinaranas sa mga Egipcio ay hindi niya padadapuin sa inyo kundi sa inyong mga kaaway. ¹⁶ Pupuksain ninyo ang lahat ng bansang ipapasakop ni Yahweh na inyong Diyos sa inyo. Huwag ninyo silang kaaawaan. Huwag din ninyong sasambahin ang kanilang mga diyus-diyosan. Iyan ang patibong na naghihintay sa inyo roon.

¹⁷ “Huwag ninyong ikabahala kung paano ninyo matatalo ang mga mas makapangyarihang bansang ito.